Байрам кунларида кузатилган илиқ ва қуёшли об-ҳаводан сўнг, кеча кечқурун республикамиз ҳудудига Ғарбий Қозоғистон ҳудудларидан нисбатан салқин ва бироз нам ҳаво массаси кириб келди.
Бугун эрталаб Тошкент вилоятида ва Фарғона водийси вилоятларида баъзи жойларда бироз ёмғир ёғиб ўтди.
Бугунги кун давомида Ўзбекистон ҳудуди бўйича ҳаво бироз булутли бўлади, шарқий ҳудудларда ўзгариб туради, ёғингарчилик кутилмайди, фақат Фарғона водийсининг айрим жойларида куннинг биринчи ярмида бироз ёмғир ёғиши мумкин. Ҳаво ҳарорати кечаги кунга нисбатан 3-5 градусга паст бўлиб, 24-27 градусни ташкил этади.
5 сентябрдан ва деярли иш ҳафтасининг охиригача Ўзбекистон ҳудуди бўйича ҳаво қуруқ ва кам булутли бўлади, фақат Фарғона вилоятининг тоғли ҳудудларида бироз ёмғир ёғиши мумкин.
8 сентябрь-жума куни булутлилик кучайиши кутилмоқда, республиканинг айрим тоғ олди ва тоғли ҳудудларида қисқа муддатли ёмғир ёғади.
Ҳафтанинг биринчи ярмида айниқса кечаси ва эрталаб нисбатан салқин бўлади. Ҳарорат асосан кечалари 10-13 градус, кундуз кунлари 26-29 градус бўлади. Ҳафтанинг иккинчи ярмида ҳарорат кечалари 15-18 градусгача, кундуз кунлари 29-32 градусгача кўтарилади.
Пойтахтимизда:
5-8 сентябрь кунлари ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Шамол шарқдан 3-8 м/с тезликда эсади, 7-8 сентябрда 12-14 м/с гача кучайиши мумкин. Ҳарорат 5 сентябрда кечаси 11-13о, кундузи 25-27 градус бўлади, 6-8 сентябрда кечалари 15-18 градусгача, кундуз кунлари 29-32 градусгача кўтарилади.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
