Британия бош вазири Риши Сунак Лондон Пекиннинг мамлакат ишларига аралашувидан хавотирда эканини тан олди. Бу ҳақда у G20 саммити чоғида Хитой Халқ Республикаси Давлат кенгаши бош вазири Ли Цянга маълум қилди, деб ёзмоқда Telegraph газетаси.
«Британия ва Хитой бош вазирлари учрашган ва Риши Сунак Ли Циянга Хитойнинг Буюк Британия демократиясига аралашувидан қаттиқ хавотирда эканини айтган», — дея Даунинг-стрит матбуот котибининг сўзларидан иқтибос келтирмоқда нашр.
Аввалроқ Лондон полицияси Британия парламенти депутатининг ёрдамчисини Хитой фойдасига жосуслик қилганликда гумон қилиб қўлга олгани маълум бўлган эди. Аниқлик киритилишича, референтнинг фаолият соҳасига ташқи сиёсат масалалари ҳам киритилган. Шунингдек, у ХХР билан ҳамкорликнинг асосий масалалари муҳокамаларида иштирок этган.
Дастлабки маълумотларга кўра, қўлга олинган шахс Консерватив партиянинг махфий ҳужжатларга эга бўлган бир қатор юқори мартабали аъзолари билан алоқада бўлган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
