Молдова президенти Майя Санду Британиянинг Financial Times газетасига берган интервюсида Евгений Пригожин бошчилигидаги Россия Вагнери ўз мамлакатида давлат тўнтаришига тайёргарлик кўраётгани, бироқ бунинг олди олинди, деди.
Санду Украина президенти Владимир Зеленский аввалроқ ташриф буюрган Испаниянинг Гранада шаҳрида бўлиб ўтган саммитда FT мухбири билан суҳбатлашди.
Сандунинг сўзларига кўра, ҳокимиятдан воз кечишга қаратилган тўнтариш уюштириш учун Москва Молдовага ноқонуний равишда пул, жумладан, Дубайда чиқарилган нақд пул ва кредит карталарни олиб киришда давом этмоқда.
Шу йўл билан сайлов олдидан сайловчиларга пора бериш кўзда тутилган. «Биздаги маълумотларга кўра, бу [Пригожиннинг] жамоаси томонидан тайёрланган режа», – дея Санду сўзларидан иқтибос келтиради нашр.
Молдова президентининг сўзларига кўра, “вагнерчилар” мамлакатдаги оммавий норозилик намойишлари тўқнашувларга айланиб кетишини таъминлашга ҳаракат қилган. «Вазият жуда драматик, биз ўзимизни ҳимоя қилишимиз керак», деди Санду.
Унинг сўзларига кўра, Молдова разведка хизматлари Россия мамлакатга сиёсий мақсадларда олиб кирган камида 20 миллион еврони кузатган, бироқ реал кўрсаткич бундан ҳам юқори бўлиши мумкин.
“Улар пулни импорт қилиш учун ишлатган асбоблар жуда хилма-хил эди. Молдова фуқароларини Грузия орқали Москвага самолётларда жўнатишаётганига бир қанча вақт гувоҳ бўлдик. Ва бу одамларнинг ҳар бири қайтиб, 10 минг евро олиб келишди”, деди Санду FT мухбирига. — Сўнгги пайтларда Дубайда чиқарилган банк карталарини олиб келишаётганига гувоҳ бўлдик. Улар шунчаки минглаб карталарни беришади. Пора бермоқчи бўлган одамлар учун банк карталари”.
Нашрда таъкидланганидек, жорий йилнинг феврал ойида Европа ва Америка расмийлари Москва Сандунинг европапараст ҳукуматини ағдаришга уринаётганини айтишган. Март ойида Молдова Вагнер ходими ҳибсга олингани ҳақида хабар бериб, уни ҳокимиятга қарши зўравон курашни ташкил қилишда айблаган.
Сандунинг сўзларига кўра, у Москва келаси йилги президентлик ва 2025 йилги парламент сайловларида россияпараст кучларни кучайтириш учун минтақавий сайловларда муваффақиятга эришишга уринаётгани ҳақида далилларга эга.
Ўтмишда Россия Молдовага босим ўтказиш учун ягона газ етказиб берувчи мавқеидан фойдаланишга уринди, дея қайд этади FT.
“Россия Молдовага босимни кучайтиради. Улар энергиядан фойдаланишни хоҳлашди, ва улар муваффақиятсизликка учради. Улар ҳукуматни ағдаришга уриндилар, бироқ муваффақиятсизликка учрадилар. Ҳозир эса улар катта миқдордаги маблағдан фойдаланиб, сайловларимизга кучли аралашиш йўлига ўтмоқда”, — дея хулоса қилди Санду.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
