Тошкент аэропортининг аэродром мажмуасини таъмирлаш ишлари давом этмоқда. Хусусан, Б1-Б5 ва Б11-Б17 самолёт турар жойларини, шунингдек, РД-Б юриш йўлини капитал таъмирлаш ишлари бошланди. Капитал таъмирлаш доирасида сунъий қоплама мустаҳкамланади.
“Бу жойда охирги марта таъмирлаш ишлари 2000-йилларда амалга оширилган. Фойдаланиш муддати узоқ бўлганлиги сабабли таъмирлашни талаб қилувчи нуқсонли жойлар шаклланган”, — дея изоҳ берилди “Uzbekistan Airports”нинг парвозларга аэродромда техник таъминот кўрсатиш бўлимида.
Таъмирланаётган асфальт ва бетон аралашмасининг умумий майдони 92 минг квадрат метрни ташкил қилади.
Эслатиб ўтамиз, жорий йилнинг апрель ойида Тошкент аэропортининг иккинчи учиш-қўниш йўлаги тўлиқ реконструкция қилиниб, фойдаланишга топширилган эди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
