Хабарингиз бор, Иорданиянинг Амман шаҳрида бокс бўйича Осиё чемпионати баҳслари ўзининг якуний палласига етиб келди. Бугун нуфузли мусобақанинг эркаклар ўртасидаги финал жанглари ўтказилмоқда.
Мусобақада -63,5 кг вазн тоифасида Ўзбекистон шарафини ҳимоя қилаётган Руслан Абдуллаев ҳиндистонлик Шива Тапани мағлуб этиб, терма жамоа ҳисобига учинчи олтин медални келтирди.
-75 кг вазнда эса Саиджамшид Жафаров қозоқ боксчиси Нурканат Райис 3 раундда ҳеч қандай имконият қолдирмади ва рақибини 5:0 ҳисобида мағлубиятга учратиб, Осиё чемпиони деган шарафли номга сазовор бўлди.
Эслатиб ўтамиз, олдинроқ Ҳасанбой Дўсматов ва Абдумалик Ҳалоков ҳам айнан қозоғистонлик боксчиларни таслим этиб, чемпионликка эришган эди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
