АҚШ президенти Жо Байден келаси ҳафта Владимир Зеленскийни Вашингтонда қабул қилади, деди Америка етакчисининг миллий хавфсизлик бўйича маслаҳатчиси Жейк Салливан.
«Президент Байден пайшанба куни Оқ уйда Украина президенти Зеленскийни қабул қилиш учун Вашингтонга қайтади», деди у брифингда.
Бу уларнинг Оқ уйда учинчи учрашуви бўлади, деди Салливан. Зеленский ва Байден охирги марта 12 июль куни Вилнюсдаги НАТО саммити доирасида музокара ўтказган. Кейин улар Украинанинг иттифоққа кириши ва Киев учун хавфсизлик кафолатларини муҳокама қилишди.
Қўшма Штатлар ҳозирда Киевнинг энг йирик ҳарбий ва иқтисодий донори ҳисобланади. Вашингтон бир неча бор расмий даражада Украинани қўллаб-қувватлаш ниятида эканини очиқ-ойдин билдирган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
