O‘zbekiston Madaniyat va san’atni rivojlantirish jamg‘armasi tashabbusi bilan 21 ta bino modernizm davri obyekti maqomini oldi va milliy madaniy meros obyektlari ro‘yxatiga kiritildi. Ular, xususan:
- Quyosh instituti
- Toshkent davlat sirki
- Toshkent teleminorasi
- “Xalqlar do‘stligi” saroyi
- Alisher Navoiy nomidagi san’at saroyi
- “Marvarid” (Jemchug) turar-joy majmuasi
- Rassomlar uyushmasining ko‘rgazma pavilioni
- “O‘zbekiston”, “Shodlik”, “Residence Park” mehmonxonalari
- Davlat san’at muzeyi
- O‘zbekiston tarixi davlat muzeyi
- O‘zbekiston amaliy san’at muzeyi
- Toshkent telemarkazi binosi
- “Turkiston” konsert zali va uning yozgi maydoni
- Aviasozlar saroyi
- “Kosmonavtlar” metro bekati
- “Eski Juva” bozorining moviy gumbazlari
- “Moviy gumbazlar” kafesi
- Ko‘krak jarrohligi ilmiy-tadqiqot instituti.
O‘zbekiston Respublikasi Vazirlar Mahkamasining 2024-yil 22-apreldagi “Moddiy madaniy meros obyektlarining milliy ro‘yxatiga o‘zgartirish va qo‘shimchalar kiritish to‘g‘risida”gi 227-son qarori qabul qilindi.
Birinchi bosqichda Davlat sanʼat muzeyi, “Oʻzbekiston” va “Shodlik” mehmonxonalari, “Kosmonavtlar” metro bekati, Aviatsiya ishlab chiqaruvchilar saroyi kabi 10 ta yangi obyekt roʻyxatga kiritildi, 11 ta obyektning maqomi o‘zgartirildi.
Shuningdek Jamg‘arma yuqorida qayd etilgan modernizm davri binolarini YUNESKO Butunjahon merosi obyektlari ro‘yxatiga kiritish nomzodnomasini tayyorlamoqda.
Endilikda mazkur qaror asosida Madaniy meros agentligi Iqtisodiyot va moliya vazirligi huzuridagi Kadastr agentligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan hamkorlikda modernizm davri obyektlarini belgilangan tartibda davlat kadastriga kiritish choralarini ishlab chiqadi.
Jamg‘arma, shuningdek, yuqorida qayd etilgan modernistik uslubdagi binolarni YUNESKOning Butunjahon merosi ro‘yxatiga kiritish uchun nomzodnoma tayyorlamoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
