Elektr energiyasi, neft mahsulotlari va gazdan foydalanishni nazorat qilish inspeksiyasi ma’lumotiga ko‘ra, O‘zbekistonda joriy yilning 11 oyi davomida 8,5 million litrdan ortiq sifatsiz neft mahsulotlari aniqlangan. Mazkur mahsulotlarning barchasi sotuvga chiqarilishidan oldin to‘xtatilgan.
So‘nggi nazorat tadbirlari natijalari
26-noyabrdan 2-dekabrgacha o‘tkazilgan tekshiruvlarda:
-
90 ta AYOQSHdan 191 ta namuna olingan;
-
23 ta holatda jami 306 430 litr neft mahsuloti davlat standartlariga mos kelmagani aniqlangan.
Toshkent shahri va viloyatida ham 70 ta yoqilg‘i quyish shoxobchasidan 146 ta namuna olinib, 18 ta holatda 205 389 litr sifatsiz mahsulot qayd etildi.
Yil davomida o‘tkazilgan tekshiruvlar
2025-yilning yanvar–noyabr oylarida:
-
632 ta obyekt o‘rganilgan;
-
210 ta obyektda jami 8 576 466 litr sifatsiz mahsulot aniqlandi;
-
Sifatsiz mahsulotlar sotuvga chiqarilishining oldi olinib, sifatni tiklash bo‘yicha ko‘rsatmalar berildi.
Inspeksiya aniqlangan holatlar yuzasidan berilgan topshiriqlarning bajarilishini nazorat qilib borayotganini bildirdi.
Ai-80 benzini sotuvi to‘xtatilgan
2025-yil 1-dekabrdan boshlab Prezident qaroriga muvofiq Ai-80 benzini savdosi to‘xtatilgan. Uning ijrosini nazorat qilish vazifasi:
-
Elektr energiyasi, neft mahsulotlari va gazdan foydalanishni nazorat qilish inspeksiyasi,
-
Ekologiya qo‘mitasiga yuklatilgan.
Muvofiqlikni baholash organlari uchun yangi talablar
Qonunchilikka kiritilgan o‘zgartishlarga ko‘ra:
-
sifatsiz mahsulot tufayli fuqaro sog‘lig‘iga zarar yetkazilsa,
-
muvofiqlikni baholash organi ham javobgar bo‘ladi.
Bu o‘zgarishlar sifat nazoratini kuchaytirish hamda iste’molchilarni himoya qilishga qaratilgan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
