Мутахассисларнинг фикрига кўра, агар улкан SLS ракетасининг парвози декабр ойининг ўрталарига қадар амалга оширилмаса, унда бир мунча вақт инсониятнинг ойга яна бир бор қўнишини кутишга тўғри келади.
NASAнинг Артемис 1 деб номланган миссияси амалга оширилмоқда, бу одамни ойга қайтариш дастурининг биринчи босқичи. Энди иккита муаммо пайдо бўлди. Биринчиси, 98 метрлик Space Launch System (SLS) ракетасини учириш майдончаси жойлашган Флорида штатида ҳозирда «Николь» тўфони авж олмоқда ва шамол тезлиги соатига 150 км га етади. Иккинчи муаммо шундаки, ракета кучайтиргичларининг амал қилиш муддати тугайди. Агар ойга парвоз яқин келажакда амалга оширилмаса, у умуман бўлмаслиги ёки кейинги даврга ўтказилиши мумкин, деб ёзади Daily Mail.
Августь ойи охирида Orion космик кемасини ой атрофида саёҳатга жўнатиши керак бўлган SLS космик ракетаси АҚШнинг Флорида штатидаги Кеннеди космик марказидаги учириш майдончасида жойлашган.
Аммо, Флорида штатида тропик «Николь» бўрони юз берди ва кучли шамол ракета ускуналарининг яхлитлигига зарар бериши мумкин. NASA муҳандисларининг таъкидлашича, ракета соатига 160 км/соат тезликда шамол эсишига бардош бера олади. Аммо, яна бир муаммо бор – ракета кучайтиргичларининг ишлаш муддати шу йилнинг декабр ойининг ўрталарида тугайди, шунинг учун ракета шу вақтгача космосга чиқиши керак.
Ҳозиргача NASA 16 — ноябр ойи учун SLS ракетаси учун янги учириш санасини белгилаб қўйди. Аммо, бундан олдин, Николь тўфони Флорида штатидан узоқлашгандан кейин ускунанинг яхлитлигини текшириш керак бўлади.
NASA баёнотига кўра, SLS ракетасининг қаттиқ ёнилғи кучайтиргичларининг ишлаш муддати 9 ва 14 декабрь кунлари тугайди. Шунинг учун, парвоз ушбу муддатларга қадар амалга оширилиши керак. Агар бу содир бўлмаса, муҳандислар ушбу тезлатгичлардан фойдаланиш муддати тугаганидан кейин қанчалик хавфсизлигини ва улар ҳали ҳам ишга туширишга яроқлилигини баҳолашлари керак.
NASA вакили Жим Фрининг сўзларига кўра, ҳар бир ракетанинг нафақат яроқлилик муддати бор, балки ҳозирги техник ҳолатни таҳлил қилишни ҳам ҳисобга олиш керак. Агар таҳлил ракетани энди ишлатиб бўлмаслигини кўрсатса, у ҳеч қаерга учмайди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
